Kunci Gitar dan Lirik Lagu Orang Lain Su Jaga (Ander Boys X Amster Gank X New Gvme X Last Gank X Voice Zone)

Ko orang lain su jaga itu bukan sa

ko gantung rasa macam ko tra percaya
mungkin sa tra bisa untuk jadi ko pu bahagia
adooo.. su terjadi
mo marah siapa ini tentang hati
sa trapapa, sa sendiri
ko pu bahagia sa bisa mengerti

Berat tuk ungkap semuanya
terlalu singkat sa rasa
hati yang coba merantau
kandas kian berlabu di muara
mencoba melupakan,
sa ingat masa susahnya mencari
dan sa coba menahan
tapi rasa sakit trabisa tipu hati
bukan pilih tetap atau pergi
ko tra sadar kalo ko berarti
sa titip terima kasih
su ajar sa bagaimana berjuang sendiri
biar ko dengan dia
sa ikut bahagia
satu saja yang sa minta
jang ingat lagi semua tentang kita

dulu ko kasih harapan yang pasti
buat sa yakin sa punya tempat
bawa sa pergi ke ruang bahagia
sa su pikir ko cinta yang tepat
tapi semua berbanding terbalik
kini ko orang lain su jaga
ko tra sadar ko su buat sa sakit
dengan ko gantungkan sa pu rasa
kenapa musti ko taruh harapan
bila akhirnya sa yang tersingkir
untuk mo berjuang lagi su cukup
trakan lagi semua su berakhir
ko tra hargai sa pu perjuangan
buat ko senang dan buat nyaman
mungkin deng dia ko dapat semua
sa sadar sa pu cinta sederhana

Ko orang lain su jaga itu bukan sa
ko gantung rasa macam ko tra percaya
mungkin sa tra bisa untuk jadi ko pu bahagia
adooo.. su terjadi
mo marah siapa ini tentang hati
sa trapapa, sa sendiri
ko pu bahagia sa bisa mengerti

sa harus bisa terima ko su pergi dengan dia
jujur sa trabisa tapi ko de pu bahagia
pudar semua warna cinta ini ko dustai
mungkin sa tra pantas untuk hadir menemani
percuma sa berjuang hanya ko anggap mainan
kini cuma sa kenang hilang semua harapan
terlalu lama cinta ini tong dua ukir
adanya dia buat sa pun tersingkir

sekarang pun tersadar
kini harapan sudah pudar
mau apa dibilang kalo de yang duluan sandar
oke trapapa biarkan sa pergi mengalah
oke trapapa mungkin de yang pantas bersama
su terlalu sayang kalo mo untuk dikenang
bila mana ko ingat ko yang dulu sa perjuangkan
ado sio , mo kasih salah siapa
ko pilih dia dan ko lepas sa punya penjaga

ko ingat dulu saat ko butuh sa
saat ko menangis ingat sa orang pertama
yang selalu ada

Ko orang lain su jaga itu bukan sa
ko gantung rasa macam ko tra percaya
mungkin sa tra bisa untuk jadi ko pu bahagia
adooo.. su terjadi
mo marah siapa ini tentang hati
sa trapapa, sa sendiri
ko pu bahagia sa bisa mengerti